"Bornmut" yarim himoyachisi Entone Semeno jarohati sabab klubga muddatidan avval qaytadigan bo'ldi.

Juma kuni Yaponiyaga qarshi o'yinda Gana terma jamoasi yarim himoyachisi to'piq mushaklari bilan bog'liq muammolar tufayli almashtirildi. Keyinroq u "Bornmut"ga qaytishi va seshanba kuni Janubiy Koreya bilan o'rtoqlik o'yinini o'tkazib yuborishiga qaror qilindi.

"Fentezi"da Semeno eng ko'p ochko to'plagan (89) va mashhurlik bo'yicha 3-o'rinni egallagan (43,32%). 11 turda uning hisobida 6 gol va 3 golli uzatma bor.

Shanba kuni "Bornmut" o'z maydonida "Vest Xem"ga qarshi bahs olib boradi.