"Arsenal" markaziy himoyachisi Vilyam Saliba Angliya Liga kubogi chorak finalidan o'rin olgan "Kristal Pelas"ga qarshi o'yindan so'ng o'z taassurotlari bilan o'rtoqlashdi.

Jamoalar asosiy vaqtda o'zaro gollar evaziga durang qayd etishdi (1:1). Penaltilar seriyasida "kanonirlar" 8:7 hisobida ustun keldi. Maksens Lakruaning zarbasini darvozabon Kepa Arrisabalaga qaytardi va "Arsenal"ni yarim finalga olib chiqdi.

"Top-jamoaga qarshi qiyin o'yin. Bilamizki, "Kristal Pelas" bilan har doim oson bo'lmagan. Xatoyimni hisobga olmaganda, biz yaxshi o'yin ko'rsatdik, Kepa esa ajoyib edi. Afsuski, eng oxirida gol o'tkazib yubordik, ammo u bizni penaltilar seriyasida qutqardi.

Yarim finalga chiqqanimizdan juda xursandmiz. Umid qilamanki, biz o'tgan mavsumda yarim finaldagi mag'lubiyatdan saboq chiqarganmiz", - dedi Saliba Sky Sports’ga bergan intervyusida.

Mikel Arteta jamoasi final yo'llanmasi uchun "Chelsi" bilan bahs olib boradi.