«Milan»ning belgiyalik yarim himoyachisi Aleksis Salemakers Koni de Vinterning iqtidorini yuqori baholadi. Uning fikricha, de Vinter yaqin kelajakda o'z salohiyatini to'liq namoyon eta oladi.

«De Vinter — fantastik futbolchi. Bilaman, uning terma jamoada unchalik yaxshi bo'lmagan damlari bo'ldi, lekin bu har kimda sodir bo'lishi mumkin. U hali klubda o'zini ko'rsatishiga shubham yo'q. U juda kuchli», — deya Salemakersning so'zlarini keltirmoqda pianetamilan.it nashri.

Eslatib o'tamiz, ayni damda «Milan» Italiya A Seriyasi turnir jadvalida ikkinchi o'rinni egallab turibdi.