«Arsenal» vingeri Bukayo Saka Chempionlar ligasining ikkita turli yarim final bosqichida gol urgan to'rtinchi ingliz futbolchisiga aylandi.

Angliya terma jamoasining 24 yoshli a'zosi «Atletiko»ga qarshi kechgan yarim final javob uchrashuvining 44-daqiqasida hisobni ochdi (1:0, birinchi o'yin – 1:1). O'tgan mavsumda Saka yarim final doirasida «PSJ» darvozasini ishg'ol qilgan edi.

Shu tariqa, Bukayo Ueyn Runi (2006/07, 2010/11), Frenk Lempard (2003/04, 2007/08) va Xarri Keynning (2023/24, 2025/26) natijasini takrorladi.