Angliya terma jamoasi sobiq forvardi Ueyn Runi "Aston Villa"ning chempionlik uchun kurashdagi imkoniyatlari haqida fikr bildirdi.

«Realist bo'lish kerak. Unai Emeri mavsumni yomon boshlagan bo'lsa-da, aql bovar qilmaydigan ishlarni amalga oshirmoqda. Hozir ular vaziyatni to'g'riladi, ammo "Manchester Siti" yoki "Arsenal"dan yuqori o'rinni egallay olmaydi," - dedi Runi BBC Podcast podkastida.

O'tkazilgan 16 tur yakunlariga ko'ra, "Aston Villa" Angliya Premer-ligasi turnir jadvalida 33 ochko jamg'argan holda uchinchi o'rinda bormoqda. Peshqadam "Arsenal" bilan oradagi farq atigi 3 ochkoni tashkil etmoqda.

Angliyaning amaldagi chempioni "Liverpul" hisoblanadi.