Myunxenning «Bavariya» klubi kuzatuv kengashi a'zosi Karl-Xaynts Rummenigge jamoa to'purari Harri Keynning kelajagi borasida bayonot berdi. 32 yoshli hujumchining amaldagi shartnomasi 2027 yilning yoziga qadar mo'ljallangan.

«Harrining shartnomasida tovon puli haqidagi band borligi ma'lum edi. Biroq u ushbu bandni faollashtirmadi va Myunxenda qolishini aniq bildirdi. Endilikda klub sport departamenti mavsum yakunlanganidan so'ng u bilan amaldagi kelishuvni uzaytirish bo'yicha muzokaralar olib boradi», — dedi Rummenigge T-Online nashriga bergan intervyusida.

Ayni damda Vensan Kompani boshchiligidagi «Bavariya» jamoasi Chempionlar ligasi doirasida «PSJ»ga qarshi kechadigan muhim bahsga tayyorgarlik ko'rmoqda. Ushbu uchrashuv bugun, 28 aprel kuni Parijda bo'lib o'tadi.