«Manchester Yunayted»ning sobiq futbolchisi Roy Kin jamoa Chempionlar ligasi yo'llanmasini endi qo'ldan chiqarmaydi deb hisoblaydi.

Yakshanba kuni «qizil iblislar» o'z maydonida asosiy raqobatchilaridan biri — «Aston Villa»ni mag'lub etdi (3:1). Maykl Kerrik shogirdlari 30-turdan so'ng birmingemliklarni uch ochkoga ortda qoldirgan holda, uchinchi pog'onadagi o'rnini mustahkamlab oldi.

«Ha, menimcha, Chempionlar ligasidagi o'rin allaqachon kafolatlangan. Hech qanday chalg'ituvchi omillar yo'q: bor e'tiborni chempionatga qaratish imkoniyati mavjud, tiklanish uchun vaqt etarli. «Aston Villa» ancha sust ko'rindi, «MYu» esa ikkinchi bo'limda o'zini qulay his qildi», — dedi Kin Sky Sports efirida o'yin haqida gapirar ekan.

20 mart kuni «Manchester Yunayted» safarda «Bornmut»ga qarshi maydonga tushadi.