"An-Nasr" hujumchisi Krishtianu Ronaldu Saudiya Arabistoni kubogi doirasida "Al-Ittihod"ga qarshi o'yindagi (1:2) muvaffaqiyatsizlikka izoh berdi.

Jorje Jezush jamoasi musobaqaning 1/8 finalida printsipial raqibga imkoniyatni boy berib qo'ydi. 40 yoshli Ronaldu uchrashuv boshidan oxirigacha o'ynadi, biroq samarali harakatlari bilan ko'zga tashlanmadi.

"Biz matonatni saqlab qolamiz, o'rganamiz va birgalikda oldinga intilamiz", - deb yozdi portugaliyalik mag'lubiyatdan so'ng ijtimoiy tarmoqda.

Eslatib o'tamiz, Krishtianu Ronaldu hozircha Saudiya Arabistonida sovrin yutgani yo'q. Joriy yilning yozida forvard klub bilan 2027 yilning yarmigacha mo'ljallangan yangi shartnoma imzoladi.