Afsonaviy sobiq hujumchi Ronaldo bo'lajak Jahon chempionatida Braziliya terma jamoasining istiqbollari haqida gapirdi. «Pentakampeonlar» guruh bosqichida Marokash, Gaiti va Shotlandiya terma jamoalari bilan kuch sinashadilar.

«Bizda Vinisius, Rafinya, Estevao bor — ularning barchasi ajoyib va Evropaning yirik klublarida ajralib turishibdi. Menimcha, bizda JCh-2026da g'olib chiqish uchun haqiqiy imkoniyatlar bor. Anchelotti — futbol tarixidagi eng buyuk va eng muvaffaqiyatli murabbiylardan biri, men unga ishonaman. Ha, qiyin bo'ladi, lekin bizda imkoniyat bor. Hozir Braziliyaning g'alaba qozonish ehtimoli boshqa 95% terma jamoalardan ancha yuqori», — deya Ronaldoning so'zlarini keltirmoqda Madrid Zone.

Braziliyaliklarning mundiallardagi hozircha oxirgi zafari 2002 yilga to'g'ri keladi — o'shanda Ronaldo 8 ta gol bilan turnir to'purari bo'lgan edi. Eslatib o'tamiz, Karlo Anchelotti o'tgan yilning yozida «Selesao» boshqaruvini qo'lga olgan.