«Inter» markaziy himoyachi Manuel Akandjini «Manchester Siti»dan 15 million evro evaziga sotib oladi. Barcha rasmiyatchiliklar may oyida hal qilinadi. Bu haqda jurnalist Fabritsio Romano o'zining X ijtimoiy tarmog'idagi sahifasida xabar bermoqda.

Shveytsariyalik futbolchi joriy mavsum boshida «neradzurri» safiga ijara asosida o'tgan edi. Ushbu davr mobaynida himoyachi barcha turnirlarda 42 ta o'yinda ishtirok etib, 2 ta gol urishga muvaffaq bo'ldi.

Futbolchining ingliz klubi bilan amaldagi shartnomasi 2027 yilning yoziga qadar mo'ljallangan. Transfermarkt portali ma'lumotlariga ko'ra, Akandjining bozor qiymati 18 million evroni tashkil etadi.