"Roma" hujumchisi Matias Soulening agenti Martin Guastadiseno mijozining oktyabr oyidagi o'yinlar uchun Argentina terma jamoasi tarkibida yo'qligiga izoh berdi.

"U yosh argentinaliklar orasida hali bir daqiqa ham o'ynamagan yagona futbolchi. U "Roma"dek muhim jamoada etakchiga aylanmoqda va bunga haqli. Matias - argentinalik italyan va Argentina bilan bog'liq vaziyat hal bo'lmasa, nima bo'lishi mumkinligini bilmayman. Hozir hammasi ochiq: yuridik jihatdan u Italiya terma jamoasiga chaqirilish imkoniyatiga ega," - deya Guastadisenoning so'zlarini keltiradi TyC Sports.

22 yoshli Soule 2025/26 yilgi mavsumda barcha musobaqalarda 8 ta o'yinda maydonga tushib, 3 ta gol urdi va 2 ta golli uzatmani amalga oshirdi.

Argentina terma jamoasi 11 oktyabr kuni Venesuelaga qarshi, 14 oktyabr kuni esa Puerto-Rikoga qarshi o'rtoqlik o'yinlarida maydonga tushadi.