Madridning «Real» klubida to'p suruvchi braziliyalik vinger Rodrigo Braziliya terma jamoasining amaldagi bosh murabbiyi Karlo Anchelotti haqida o'z fikrlarini bildirdi.

«Anchelottining ishida doim hamma narsa puxta o'ylangan va u izchillikka tayanadi. U taktik jihatdan ham, kiyinish xonasini nazorat qilish va jamoani boshqarish borasida ham ajoyib futbol mutaxassisidir. Karlo nima qilayotganini doim yaxshi biladi», — deya futbolchining so'zlarini keltiradi AS nashri.

Eslatib o'tamiz, Braziliya terma jamoasi mundialdagi ishtirokini 1/8 finaldayoq yakunladi. Anchelotti shogirdlari Norvegiyaga 1:2 hisobida imkoniyatni boy berishdi. Braziliya jamoasi 1990 yildan buyon ilk bor Jahon chempionatining chorak finaliga chiqa olmadi.

Manba: Stadion.uz