Madridning "Real" klubi bosh murabbiyi Xabi Alonso 2026 yildan nimalar kutayotgani haqida gapirdi.

Shanba kuni "qaymoqranglilar" o'z uyida "Sevilya"ni 2025 yilning so'nggi o'yinida mag'lub etishdi (2:0). Gollarni 38 va 86-daqiqalarda Jud Bellingem hamda Kilian Mbappe o'z hisobiga yozdirib qo'ydi.

"Mening 2026 yildagi istagim? Jarohat olgan barcha futbolchilarimiz safga qaytishini istayman," - deb Alonsoning javobini keltiradi Madrid Zone.

"Real" La Liga turnir jadvalida 18 o'yindan keyin 42 ochko bilan 2-o'rinda bormoqda. Peshqadam "Barselona" 43 ochko to'plagan bo'lsa-da, joriy turda hali o'z o'yinini o'tkazgani yo'q.