Madridning "Real" klubi yarim himoyachisi Federiko Valverde Ispaniya Superkubogi finalida "Barselona"ga qarshi o'yinda jarohat olgani gumon qilinib, zaxiraga olindi.

Urugvaylik futbolchi jamoani sardorlik bog'ichi bilan maydonga boshlab tushdi, biroq 68-daqiqada uchrashuvni muddatidan oldin yakunlashga majbur bo'ldi - uning o'rnini Arda Gyuler egalladi. Jurnalist Alvaro Estebanning xabar berishicha, 27 yoshli xavbek o'ng tizzasida noqulaylik sezgan. Dushanba kuni o'yinchi muammoning jiddiylik darajasini aniqlash uchun tekshiruvdan o'tadi.

"Qaymoqranglilar" finalda "ko'k-anorranglilar"ga yutqazdi - 2:3. Hal qiluvchi gol Federiko Valverde maydonni tark etganidan besh daqiqa o'tib Rafinya Dias tomonidan kiritildi.