«Real» hujumchisi Gonsalo Garsiya shu yozda klubini o'zgartirishi mumkin.

Jurnalist Gonsalo Tortosaning ma'lumotlariga ko'ra, «Betis» forvardni sotib olishga qiziqish bildirmoqda. Jamoa markaziy hujumchi bilan shartnoma imzolamoqchi, Garsiya esa «Betis»ning short-listida birinchilardan bo'lib turibdi.

Gonsalo Garsiya «Real» tarbiyalanuvchisi hisoblanadi. Uning «qaymoqranglilar» bilan shartnomasi 2030 yilning 30 iyuniga qadar mo'ljallangan.

2025/26 yilgi mavsumda hujumchi Madrid klubi safinda barcha turnirlarda 39 ta o'yin o'tkazib, 8 ta gol urdi va 3 ta golli uzatmani amalga oshirdi. Transfermarkt portali Garsiyaning qiymatini 30 million evroga baholamoqda.

Manba: Stadion.uz