Madridning "Real" klubi chap qanot himoyachisi Alvaro Karreras "Levante"ga qarshi o'yindan keyingi holati haqida gapirdi.

22 yoshli futbolchi "qaymoqranglilar" safida asosiy tarkibda maydonga tushdi va 82-daqiqagacha o'ynadi, shundan so'ng uning o'rniga David Alaba maydonga tushdi. Birozdan so'ng ispaniyalik futbolchining zaxira o'rindig'ida oyog'iga muz bog'lab o'tirgani "Real" muxlislarini xavotirga soldi.

"Mening jarohatim? Men yaxshiman, men yaxshiman," - deya Karrerasning javobini keltiradi Madrid Universal.

"Real" "Levante" ustidan 4:1 hisobida g'alaba qozondi. Gollarga Vinisius Junior, Franko Mastantuono va Kilian Mbappe (dubl) mualliflik qildi.