Madridning "Real" klubi jamoaning birinchi raqamli futbolchisi Tibo Kurtuaning sog'lig'i yuzasidan bayonot berdi. Matbuotda belgiyalik posbonga gastroenterit tashxisi qo'yilgani haqida ma'lumot paydo bo'ldi.

"Tibbiy ko'rikdan so'ng Kurtuada virusli oshqozon-ichak infektsiyasi aniqlandi. Tibo Gretsiyaga bormaydi. U shifokorlar nazoratida bo'ladi", - deyiladi "qirollik klubi" xabarida.

Chempionlar ligasi umumiy bosqichidan o'rin olgan "Olimpiakos" - "Real" uchrashuvi ertaga, 26 noyabr kuni Gretsiyada bo'lib o'tadi.