«Barselona» vingeri Rafinya Dias Madridning «Real» klubi ustidan qozonilgan va jamoaning chempionligini naqd qilgan g'alabadan so'ng o'z fikrlari bilan o'rtoqlashdi.

Kataloniyaliklar Markus Reshford va Ferran Torresning 9 hamda 18-daqiqalarda kiritgan gollari evaziga zafar quchishdi. Rafinya uchrashuvning 64-daqiqasida zaxiradan maydonga tushdi — bu uning mart oyidan buyon ilk bor o'yinda ko'rinish berishi.

O'yindan keyingi intervyuda braziliyalik futbolchi jamoa himoyachisi Jerar Martinning jangovar ruhiyatini alohida e'tirof etdi.

«Martin bilan bemalol urushga kirishsa bo'ladi. Men u bilan hatto dunyoning chekkasiga borishga ham tayyorman», — deya futbolchining so'zlarini keltiradi jurnalist Fabritsio Romano.