Frantsiyaning «PSJ» klubi Madridning «Real» klubi bilan shov-shuvli transferni amalga oshirishni rejalashtirmoqda. El Nacional nashri xabariga ko'ra, parijliklar prezidenti Nosir Al-Helayfiy «qirollik klubi» yarim himoyachisi Federiko Valverdening o'yin uslubini yuqori baholaydi va uning transferini muhokama qilishga tayyor.

Ta'kidlanishicha, transferni amalga oshirishning variantlaridan biri sifatida «PSJ» xavbeki Joau Nevesh ishtirokidagi almashinuv ko'rib chiqilmoqda. Parij klubi rahbariyati ayni damda Evropadagi eng istiqbolli yarim himoyachilardan biri bo'lgan Neveshni taklif qilish orqali «Real»ni muzokaraga jalb eta olishiga umid qilmoqda.

Shunga qaramay, «Real» hozircha Valverde bilan xayrlashish niyatida emas. Urugvaylik futbolchi jamoaning asosiy o'yinchilaridan biri va klub etakchilaridan biri hisoblanadi. Bunga qaramay, «PSJ» potentsial transferni tashkil etishning barcha imkoniyatlarini o'rganishda davom etmoqda.

O'tgan mavsumda Federiko Valverde «Real»ning asosiy tarkib futbolchisi sifatida maydon markazida va boshqa pozitsiyalarda muhim rol o'ynadi. Joau Nevesh esa «PSJ» safida yorqin mavsumni o'tkazdi va hozirda Evropa futbolidagi eng iqtidorli yosh yarim himoyachilardan biri sifatida e'tirof etilmoqda.