«PSJ» va «Liverpul» o'rtasidagi Chempionlar ligasi chorak finali dastlabki uchrashuvining birinchi bo'limi yakunlandi. Aytish joizki, Parijdagi o'yinning birinchi yarmi ko'plab muxlislar kutgandek yorqin kechmadi. Haqiqiy xavfli vaziyatlarni barmoq bilan sanasa bo'ladi.

Shunday bo'lsa-da, birinchi bo'limda bitta gol ko'rdik — parijliklar 11-daqiqada hisobni ochishdi. Dezire Due raqib jarima maydonchasining chap qanotidan zarba yo'lladi va to'p rikoshet yordamida darvoza to'ridan joy oldi. Birinchi bo'limdan so'ng Luis Enrike shogirdlari 1:0 hisobida oldinda borishmoqda.