"Tottenxem" va "Nottingem Forest" klublarining sobiq ustozi Ange Postekoglu Shotlandiyaning "Seltik" klubi bosh murabbiyiga aylanishi mumkin.

Manbaga ko'ra, yaqin vaqt ichida "Seltik" Postekoglu bilan bog'lanib, uning klubga qaytishga qiziqishi bor-yo'qligini bilmoqchi.

Eslatib o'tamiz, Postekoglu 2021-2023 yillarda "Seltik"da ishlagan. Avvalroq jamoa boshqaruvchisi lavozimini Brendan Rojers tark etgandi.

"Seltik" 9 turdan so'ng Shotlandiya chempionati turnir jadvalida 2-o'rinda bormoqda. Jamoa hisobida 17 ochko mavjud.