«Portu» himoyachisi Martim Fernandesh Evropa Ligasi doirasidagi o'yinda kutilmagan va g'alati avtogol muallifiga aylandi.

Portugaliya klubi 1/4 final bosqichida «Nottingem Forest»ni qabul qildi. Uchrashuvning 13-daqiqasida mezbonlar himoyachilari maydon markazi yaqinida bir-birlariga to'p uzatib turgan bir vaqtda, Martim Fernandesh to'pni darvozabonga qaytarishga qaror qildi. Biroq jarima maydonchasi chizig'igacha chiqib kelgan posbonning yonidan o'tib ketgan to'p to'g'ri to'rdan joy oldi.

Uchrashuv 1:1 hisobidagi durang bilan yakunlandi.