Italiyaning "Milan" klubi sobiq sardori Massimo Ambrozini Adrien Rabo Turinning "Yuventus" jamoasida o'ynab yurgan kezlarida unga nisbatan katta shubhalari bo'lganini tan oldi.

"Rabo "Yuventus"da o'ynagan vaqtlarida u borasida juda katta ikkilanishlarim bor edi. Pirlo esa uni doimo tarkibga qo'yardi. Men undan: "Nima uchun? Rabo o'yinni buzyapti-ku", deb so'rardim. U bo'lsa har safar: "Rabo — kuchli futbolchi", deya javob berardi. Hozir u o'ziga bo'lgan ishonchni oshirdi va maydonda harakat qilayotganda, xuddi boshqalardan ko'ra kamroq charchayotgandek taassurot qoldirmoqda", — deya Ambrozinining so'zlarini keltirmoqda "pianetamilan.it".

Eslatib o'tamiz, Adrien Rabo o'tgan yili "Milan" safiga ko'chib o'tgan edi.