"Everton" posboni Jordan Pikford Angliya terma jamoasi rekordchisiga aylandi.

"Irislar"ning 31 yoshli vakili Angliya terma jamoasiga Uels bilan o'rtoqlik uchrashuvida quruq g'alabani qo'lga kiritishga yordam berdi (3:0). Opta xabariga ko'ra, Pikford Angliya terma jamoasi tarixida ketma-ket sakkizta to'liq o'yinda darvozasi daxlsizligini saqlab qolgan ilk darvozabonga aylandi. Rekord seriya o'tgan yilning noyabr oyida boshlangan, o'shanda inglizlar Millatlar Ligasi doirasida Gretsiyani 3:0 hisobida mag'lub etgandi.

Bugungi Uelsga qarshi o'yin Jordan Pikford uchun "uch sherlar" safidagi 79-o'yin bo'ldi. Kiperning debyuti 2017 yilning kuzida Germaniyaga qarshi o'rtoqlik o'yinida (0:0) bo'lgan.