Gretsiyaning "Olimpiakos" klubi bosh murabbiyi Xose Luis Mendilibar murabbiylik faoliyatida ikki marta Madridning "Real" klubini mag'lub etganini eslatib o'tdi.

Bu safar uning jamoasi 26 noyabr kuni Chempionlar ligasi asosiy turniri 5-turi doirasida "qirollik klubi"ga qarshi maydonga tushadi.

"Real"ni ikki marta mag'lub etishimga to'g'ri kelgan, ammo ko'proq yutqazganman. Qaysi jamoani boshqarishimga qarab uslubim o'zgarmaydi. "Real" kamdan-kam hollarda kimgadir yutqazadi, ammo bugun urinib ko'rish uchun yaxshi imkoniyat bo'ladi", - deya mutaxassisning so'zlarini keltiradi UEFA matbuot xizmati.