Mo'g'uliston poytaxti Ulan-Bator shahrida boks bo'yicha Osiyo chempionatining erkaklar o'rtasidagi bellashuvlari o'z yakuniga etdi. Musobaqaning final janglaridan so'ng barcha vazn toifalarida g'olib va sovrindorlar nomi ma'lum bo'ldi.

O'zbekiston boks terma jamoasi Osiyo chempionatini 3 ta oltin medal bilan yakunladi. Musobaqada ishtirok etgan o'zbekistonlik charm qo'lqop ustalari umumiy hisobda 3 ta oltin, 2 ta kumush va 1 ta bronza medalini qo'lga kiritdi.

Oltin medal

-65 kg: Abdulloh Madaminov
-80 kg: Fazliddin Erkinboev
-90 kg: Halimjon Mamasoliev

Kumush medal

-75 kg: Javohir Abdurahimov
-85 kg: Jasurbek Yo'ldoshev

Bronza medal

-60 kg: Abdurahmon Mahmudjonov

Eslatib o'tamiz, O'zbekiston ayollar terma jamoasi musobaqani 2 ta kumush va 3 ta bronza medali bilan yakunlagan edi.

Shu tariqa, O'zbekiston delegatsiyasi Mo'g'ulistonda o'tgan Osiyo chempionatini jami 11 ta medal bilan yakunladi – 3 ta oltin, 4 ta kumush va 4 ta bronza bilan yakunladi.

Musobaqada to'liq tarkibda (20 nafar bokschi) ishtirok etgan O'zbekiston umumjamoa hisobida Qozog'iston (6 ta oltin, 2 ta kumush, 5 ta bronza) va Hindiston (5 ta oltin, 3 ta kumush, 8 ta bronza) bokschilaridan so'ng 3-o'rinni egalladi.

Manba: www.daryo.uz