Angliya Premer-ligasi 17-turidan o'rin olgan "Nyukasl" - "Chelsi" uchrashuvi davom etmoqda.

"Sent-Jeyms Park"da o'tayotgan bahsda hozircha hisob - 2:0. Mezbonlar foydasiga.

Hujumchi Nik Voltemade 4 va 20-daqiqalarda "aristokratlar" darvozasiga yo'l topdi.

Bu Voltemade uchun "Nyukasl" safidagi ilk dubl bo'ldi. Qizig'i, o'tgan turda nemis avtogol muallifiga aylangandi. O'shanda Voltemade "Sanderlend"ga qarshi tayn-Uir derbisida o'z darvozasiga boshi bilan to'p kiritib qo'yib, jamoasining mag'lubiyatiga sababchi bo'lgandi.