Braziliya va Xorvatiya terma jamoalari o'rtasidagi o'rtoqlik uchrashuvi yakunlandi. O'yin AQShning Orlando shahridagi «Orlando Sitrus Boul» stadionida bo'lib o'tdi. Uchrashuvda braziliyaliklar 3:1 hisobida g'alaba qozondi.

Birinchi bo'limga qo'shib berilgan vaqtda himoyachi Danilo Vinisius Juniorning uzatmasidan foydalanib hisobni ochdi. 84-daqiqada xorvatiyalik yarim himoyachi Lovro Mayer muvozanatni tikladi. Oradan to'rt daqiqa o'tib, braziliyalik hujumchi Igor Tyago penaltidan aniq zarba yo'llab, jamoasini yana oldinga olib chiqdi. 90+2-daqiqada esa Gabriel Martinelli Endrikning pasidan keyin yakuniy hisobni o'rnatdi.

Avvalroq o'tkazilgan o'rtoqlik uchrashuvida Braziliya Frantsiyaga 1:2 hisobida mag'lub bo'lgandi, Xorvatiya esa Kolumbiyani 2:1 hisobida enggan edi.

O'rtoqlik o'yini
2026 yil 1 aprel, chorshanba. 05:00
Braziliya — Xorvatiya — 3:1
Gollar: Danilo 45+2 (1:0), Mayer 84 (1:1), Tyago 88 (2:1), Martinelli 90+2 (3:1)

Manba: stadion.uz