«Bavariya» darvozaboni Manuel Noyer Germaniya terma jamoasiga qaytish borasidagi navbatdagi savolga javob qaytardi. Myunxenliklarning 40 yoshli sardori «Santyago Bernabeu»da «Real»ga qarshi kechgan (2:1) Chempionlar Ligasi chorak final bahsida 9 ta zarbani qaytarib, uchrashuvning eng yaxshi futbolchisi deb topildi.

O'yin yakunlangach, jurnalistlar yulduzli faxriydan Jahon chempionatiga borish niyati bor-yo'qligini so'rashdi.

«Bu haqida hamma narsa aytib bo'lingan. Hozir bor e'tiborim «Bavariya»ning joriy mavsumdagi qolgan o'yinlariga qaratilgan», — deya Noyer terma jamoaga qaytishini inkor etdi «Sky» telekanaliga bergan intervyusida.

Manuel Noyerning myunxenliklar bilan shartnomasi shu yozda nihoyasiga etadi. Uning faoliyatini davom ettirish yoki ettirmasligi hozircha noma'lum.