"Bavariya" darvozaboni Manuel Noyer jamoaning hujumchisi Xarri Keyn haqidagi taassurotlari bilan o'rtoqlashdi. Hujumchi 2023 yilda klubga qo'shilgan. Noyer Keynni dunyoning eng kuchli hujumchilaridan biri deb hisoblaydi.

"Xarri - faoliyatimda ko'rgan eng kuchli hujumchilardan biri. U raqib darvozasi oldida ajoyib gol instinktiga ega, u tanasining istalgan qismi bilan gol ura oladi va har doim nishon qaerda ekanligini aniq biladi. U zarba berish uchun qulay vaziyatni tanlay oladi, havoda ishonchli o'ynaydi va jarima maydoni ichida ham, uning tashqarisida ham maydonni a'lo darajada ko'ra oladi. U himoyada jamoaga yordam beradi va kerak bo'lganda ortga qaytadi. Unda hujumchi uchun kerakli hamma narsa bor va u biz bilan ekanidan xursandmiz," - dedi Noyer Sky Sport nashriga bergan intervyusida.

Keyn Myunxen klubi safida 116 ta o'yinda maydonga tushgan. Hujumchi 109 ta gol urdi.