Myunxenning "Bavariya" klubi darvozaboni Manuel Noyer nemis jamoasi Chempionlar ligasi doirasidagi "PSJ"ga qarshi o'yinda nima evaziga g'alaba qozonishi mumkinligini aytib o'tdi.

"Bavariya" va "PSJ" 4 noyabr kuni Frantsiya poytaxtida o'zaro to'qnash keladi. Uchrashuv Toshkent vaqti bilan soat 01:00 da boshlanadi.

"Ikkala jamoa ham to'pga egalik qilishni yaxshi ko'radi va qarshi hujumlar uchun imkoniyatlar albatta bo'ladi. Biz yaxshi himoyalanishimiz va parijliklarga muammo tug'dirishimiz mumkin bo'lgan vaziyatlardan foydalanishimiz kerak," - deya Noyerning so'zlarini keltiradi UEFA matbuot xizmati.

"PSJ" va "Bavariya" 9 ochko bilan musobaqa jadvalida dastlabki ikki o'rinni egallab turibdi.