"Barselona" vingeri Rafinya Dias "Real Ovedo"ga qarshi o'yinda o'yinni oxirigacha davom ettira olmadi.

Braziliyalik futbolchi uchrashuvning 65-daqiqasida Robert Levandovskiga almashtirildi. Uchrashuv kataloniyaliklarning 3:1 hisobidagi g'alabasi bilan yakunlandi, biroq Rafinyaning holati muxlislarni xavotirga soldi. RAC1 xabariga ko'ra, muammo unchalik jiddiy emas: o'yinchi tizza osti payidagi noqulaylik tufayli almashtirilgan. Amaldagi Ispaniya chempionlarining hujum chizig'i etakchisi tez orada safga qaytishi kerak.

Rafinya La Liganing yakshanba kuni bo'lib o'tadigan "Real Sosedad"ga qarshi o'yinida asosiy tarkibda maydonga tusha oladimi yoki yo'qmi, hozircha noma'lum.