"Santos" Braziliya chempionati doirasida "Juventuda"ni 3:0 hisobida mag'lub etdi. G'oliblar safidagi uchala golga ham Neymar mualliflik qildi.

Ushbu xet-trik braziliyalik futbolchi uchun faoliyatidagi 22-xet-trik bo'ldi, deb xabar beradi Opta Stats. U "Santos" tarkibida eng ko'p - 10 bor 1 o'yinda 3 ta gol urgan.

E'tiborlisi, qolgan jamoalarida 33 yoshli vinger 4tadan xet-trik qayd etgan. Bu ro'yxatdan "Barselona", "PSJ" va Braziliya terma jamoasi o'rin olgan.

Neymar "Santos" tarbiyalanuvchisi hisoblanadi. Braziliyalik "Al-Hilol"dagi muvaffaqiyatsiz davrdan keyin yanvar oyida o'z klubiga qaytdi. Joriy mavsumda yulduz vinger barcha musobaqalarda 27 ta o'yinda maydonga tushib, 11 ta gol urdi va to'rtta golli uzatmani amalga oshirdi.