Yangi mavsumga tayyorgarlik doirasida «Dinamo» jamoasi Toshkentdagi navbatdagi nazorat o'yinida OKMK klubiga qarshi maydonga tushdi.

«Olimpiya» stadionidagi maydonda bo'lib o'tgan bahsda bosh murabbiylar – Vadim Abramov va Mirjalol Qosimov asosiy tarkibdan tashqari, bir qator yosh o'yinchilarni sinovdan o'tkazdi. Birinchi bo'limda Anvarjon Hojimirzaev tomonidan kiritilgan gol bilan «dinamochilar» hisobni ochdi – 1:0.

Ikkinchi bo'limda murabbiylar bir qator o'zgarishlarga qo'l urib, ko'rikdagi o'yinchilarni ham sinovdan o'tkazishdi. Olmaliqliklar Aziz Xolmurodovning goli evaziga muvozanatni tiklashdi – 1:1. Yakunda bahs durang natija bilan tugadi.

Shu tariqa, «Dinamo»ning Toshkentdagi dastlabki yig'ini yakuniga etdi. Jamoamiz 16 yanvardan BAAda yig'in boshlaydi.

Nazorat o'yini. 14 yanvar. Toshkent
OKMK – «Dinamo» - 1:1
Gollar: Aziz Xolmurodov 50 – Anvarjon Hojimirzaev, 42.
«Dinamo»: Edem Nemanov, Jahongir O'rozov, Jaloliddin Jumaboev, Salim Mustafoev, Giorgi Babaliev, Rasul Yo'ldoshev, Dramane Salou, Firdavs Abdurahmonov, Jahongir Abdusalomov, Azizbek Amonov, Anvarjon Hojimirzaev.
Zaxiradan maydonga tushganlar: Sarvar Karimov, Ulug'bek Abdullaev, Behruzbek Obloqulov, Xislat Xalilov, Abdulahad Hoshimov, Ulug'bek Hoshimov, Mirjahon Mirahmadov.

Manba: fcdinamo.uz