«Napoli» sport direktori Jovanni Manna jamoaning belgiyalik markaziy hujumchisi Romelu Lukaku bilan bog'liq vaziyat yuzasidan fikr bildirdi.

«Biz Lukakuni jamoa ixtiyoriga qaytishini so'raganimizda, u qaytmaslikka qaror qildi. Futbolchi jarohatining darajasini baholash uchun Belgiyada qoldi. Klub doimo birinchi o'rinda bo'lishi kerak. Biz chora ko'ramiz», — deya «Napoli» vakilining so'zlarini keltiradi Fabritsio Romano o'zining ijtimoiy tarmoqlardagi sahifalarida.

2025/2026 yilgi mavsumda belgiyalik hujumchi Neapol klubi safida bor-yo'g'i ettita o'yinda ishtirok etdi. Lukaku bitta gol urishga muvaffaq bo'ldi. Futbolchi mavsumning katta qismini sog'lig'idagi muammolar tufayli o'tkazib yubordi.