Germaniya terma jamoasi bosh murabbiyi Yulian Nagelsmann «Bavariya»ning hujumkor yarim himoyachisi Lennart Karl haqida o'z fikrlarini bildirdi.

18 yoshli futbolchi hali Germaniyaning asosiy terma jamoasida debyut qilmagan bo'lsa-da, klubdagi muvaffaqiyatli o'yinlari fonida nomzodlardan biri sifatida ko'rilmoqda.

«Lennart hayratlanarli davrni o'tkazdi. Hozir unda biroz qiyinchiliklar bor — bu qisman Musialaning safga qaytgani bilan bog'liq. Shunga qaramay, u juda qiziqarli futbolchi ekanligi ko'rinib turibdi: u raqibni ajoyib tarzda aldab o'tadi, qanotdan markazga surilib, chap oyoqda zarba beradi, uni nazorat qilish juda qiyin. Ammo men u JCh-2026 ga borishi uchungina «Bavariya» asosiy tarkibida doimiy maydonga tushishini kutmayapman. Hozir u o'z ritmini topishi va o'ziga bo'lgan ishonchni tiklashi kerak. Unda o'sha yoshlik energiyasi va jasorat bo'lishi lozim, aks holda men shunchaki o'z o'yinini barqaror ko'rsata oladigan tajribali futbolchini taklif qilishim mumkin», — dedi Nagelsmann.

Lennart Karl joriy mavsumdagi 30 ta o'yinda 7 ta gol va 4 ta golli uzatmaga mualliflik qildi.