"Liverpul" va "Tottenxem"ning sobiq futbolchisi Denni Myorfi Xabi Alonsoning "Chelsi" bosh murabbiyi etib tayinlanishi haqida o'z fikrlari bilan o'rtoqlashdi.

"Xabi Alonso "Bayer"da ajoyib ishni amalga oshirdi, u juda aqlli inson. U "Chelsi" muxlislari ko'rishni istagan futbol uslubini joriy qiladi, futbolchilarga ham u bilan ishlash yoqadi. Bu rivojlanayotgan klub uchun mantiqiy qaror bo'ldi. Biroq "Chelsi" uchun eng muhimi — aslida kimni murabbiy etib tayinlashganida emas, balki transfer siyosatidagi taktikani o'zgartirishdir. Chunki agar ular tarkibga biroz tajriba va ko'proq bilimga ega o'yinchilarni qo'shib olishmasa, baribir xuddi shunday natijani ko'raverishadi", — deya Myorfining so'zlaridan iqtibos keltiradi BBC nashri.

Eslatib o'tamiz, Xabi Alonso "Chelsi" bilan 2030 yilning yoziga qadar mo'ljallangan shartnoma imzoladi. Ispaniyalik mutaxassis ish boshlashga iyul oyi boshida kirishadi.