Joze Mourino agar Madridning «Real» klubiga qaytadigan bo'lsa, jamoa tarkibida keng ko'lamli o'zgarishlarni amalga oshiradi. Bu haqda Marca xabar bermoqda.

Manbaga ko'ra, Mourino, boshqa masalalar qatori, rahbariyatdan Federiko Valverde va Orelen Tchuameni borasida qat'iy qaror qabul qilishni talab qiladi.

Avvalroq ushbu ikki yarim himoyachi o'rtasida mojaro kelib chiqqan va bu jamoa ichida notinchlikni keltirib chiqargandi.

Yuz bergan voqeadan so'ng, Mourinoda har ikki futbolchini bir vaqtning o'zida tarkibda olib qolish istagi yo'q. Valverdening muxlislar o'rtasidagi mashhurligi va universalligiga qaramay, aynan Tchuameni portugaliyalik mutaxassis uchun ko'proq mos variant deb hisoblanmoqda. Frantsuz futbolchisi o'z pozitsion intizomi va tayanch zonasidagi o'yini bilan murabbiy talablariga ko'proq javob beradi.