"Benfika" ustozi Joze Mourino "Chelsi" futbolchisi, ya'ni hujumkor yarim himoyachi Estevao Villianni alohida ta'kidlab o'tdi. Braziliyalik futbolchi yozda "aristokratlar" safiga qo'shilgandi. Estevao hozir 18 yoshda.

"Estevao - iste'dod. Odamlar "Chelsi"da tajribasizligi, raqobat yo'qligi tufayli unga moslashish uchun vaqt kerak bo'ladi, deb o'ylashi mumkin. Ammo u allaqachon yuqori saviyada o'ynamoqda va katta salohiyatga ega," - dedi Mourino TNT Sports nashriga.

Seshanba oqshomida EChL umumiy bosqich 2-turidan o'rin olgan "Chelsi" - "Benfika" bahsi bo'lib o'tdi. Unda londonliklar minimal 1:0 hisobida zafar quchdi.