"Chelsi"ning sobiq futbolchisi Jodi Morris London klubining muammolari haqida o'z fikri bilan o'rtoqlashdi.

"Menimcha, "Chelsi"da anchadan beri etakchilar etishmayapti. Keyin esa, etakchi deb hisoblanishi mumkin bo'lgan ikki kishiga — Mark Kukurelya va Entso Fernandesga qaraganingizda, ularning klubdan yoki rejimdan noroziligi, yoxud klubda sodir bo'layotgan ma'lum narsalardan hafsalasi pir bo'lgani haqidagi izohlarini eshitsangiz: "Bu etakchilik belgisi emas shekilli", deb o'ylab qolasiz", — deya Morrisning so'zlarini keltirmoqda Sky Sports.

Hozirgi vaqtda "Chelsi" Angliya chempionati turnir jadvalida 32 turdan so'ng 48 ochko jamg'arib, oltinchi o'rinda bormoqda. Klubni hozirda Liam Rosenor boshqarmoqda.