"Monako" markaziy himoyachisi Vilfred Singo faoliyatini "Galatasaroy"da davom ettiradi.

Footmercato xabariga ko'ra, turk grandi monakoliklar bilan 24 yoshli futbolchining transferini 30 million evroga kelishgan. Bundan tashqari, "Monako" bonuslar sifatida yana 5 million, shuningdek, futbolchining keyingi sotuvidan 10% olishi mumkin. Singoning "Galatasaroy" bilan mehnat shartnomasi yana bir mavsumga uzaytirish imkoniyati bilan to'rt yilga mo'ljallangan.

Singo 2023 yildan beri "Monako" sharafini himoya qilmoqda. Bu vaqt ichida u barcha turnirlarda 60 ta o'yin o'tkazib, to'rtta gol urdi va to'rtta golli uzatma muallifiga aylandi.