Italiyaning La Gazzetta Dello Sport nashriga ko'ra, xorvatiyalik yarim himoyachi Luka Modrich «Milan» bilan shartnomasini uzaytirish istagida. Uning bu qaroriga faoliyatini majburiy ravishda erta yakunlash ehtimoli ta'sir qilishi mumkin — ochig'ini aytganda, Modrich hali «Milan»da to'yib o'ynagani yo'q va klubdagi faoliyatiga butunlay boshqacha tarzda nuqta qo'ymoqchi.

U futbol bilan zambilda emas, balki butun umr ardoqlab kelgan va Zvonimir Bobanning o'yinlarini ko'rib ulg'aygan «San-Siro» stadionining olqishlari ostida xayrlashishni xohlaydi. Shu bois, Modrich klub bilan kelishuvni uzaytirishga moyillik bildirmoqda. Albatta, agar yozgacha biror fors-major holat (masalan, jahon chempionatidagi yangi jarohat) sodir bo'lmasa. Shu bilan birga, Italiya matbuoti ba'zida bo'lganidek, shunchaki istakni haqiqat sifatida taqdim etishga urinayotgan bo'lishi mumkinligini ham istisno qilib bo'lmaydi.