"Milan"ning iste'dodli hujumchisi, hozirda "Lechche"da ijarada to'p tepayotgan Franchesko Kamarda futbol tarixiga kirishni orzu qilmoqda.

"Italiya terma jamoasida o'ynashni orzu qilaman. Agar terma jamoaga chaqiruv olsam, xursand bo'lardim. O'z faoliyatimni U-15 yoshlar terma jamoasi tarkibida boshlagan bo'lsam, hozirda U-21 yoshlar terma jamoasida o'ynamoqdaman. Bu men uchun faxr.

Meni Zlatan Ibrahimovich ilhomlantiradi. U futbol tarixiga kirdi va men ham bunga erishishni istardim. Men u haqidagi filmni yiliga kamida bir marta ko'raman. U barcha davrlarning eng yaxshi o'yinchilaridan biri," - deya qo'shimcha qildi Kamarda.

2025/26 yilgi mavsumda Franchesko Kamarda klub va Italiya yoshlar terma jamoasi safida 17 ta o'yinda maydonga tushib, 5 ta gol urdi va 2 ta golli uzatmani amalga oshirdi.