"Milan" Aleksandr Mitrovich va Matteys de Ligtga qiziqish bildirgan edi.

Jurnalist Luka Koenning ma'lum qilishicha, Italiya klubi transfer oynasi oxirida futbolchilar bo'yicha so'rov yuborgan.

Saudiya Arabistonining "Al-Hilol" klubi sharafini himoya qilgan Mitrovich yuqori maosh talablarini qo'ydi. 4 sentyabr kuni serbiyalik forvard Qatarning "Ar-Rayyan" klubiga o'tdi.

"Manchester Yunayted" transfer qiymatini e'lon qilgach, de Ligt bilan aloqa uzildi. "Milan" fikriga ko'ra, u bozor narxidan ancha yuqori edi.

Har ikki futbolchi bilan muzokaralar to'xtatildi.