"Milan" yaqin kelajakda Allegri davrida asosiy tarkibning barqaror futbolchisiga aylangan belgiyalik yarim himoyachi Aleksis Salemakers bilan shartnomani uzaytiradi. Bu haqda bir vaqtning o'zida ikki italiyalik nufuzli jurnalist - Fabritsio Romano va Matteo Moretti xabar bermoqda.

Salemakers hozirgi klubida deyarli olti yildan beri o'ynab kelmoqda, u 2020 yilning yanvarida Belgiyaning "Anderlext" klubidan "Milan"ga o'tgan. O'shanda u klubga sakkiz million evroga tushgan.

Futbolchining yangi shartnomasi 2030 yilning yoziga qadar mo'ljallangan bo'lib, uning gonorari sezilarli darajada oshadi - har mavsum uchun bir million evrodan uch milliongacha.