«Milan» sport direktori Igli Tare Luka Modrichning jamoadagi kelajagi bo'yicha klubning rejalarini ochiqladi.

40 yoshli futbolchining amaldagi shartnomasi shu yozda o'z nihoyasiga etadi. Biroq «rossonerilar» u bilan kelishuvni yana bir mavsumga uzaytirishdan umidvor. Modrichning yoshi klub rahbariyatini aslo tashvishga solmayapti.

«Biz Luka Modrich yangi shartnomaga imzo chekishiga va yana bir mavsum davomida biz bilan qolishiga ishonamiz», — deya Tarening so'zlaridan iqtibos keltirmoqda DAZN.

Eslatib o'tamiz, Modrich «Real»ni tark etganidan so'ng «Milan» safiga kelib qo'shilgan edi. Joriy mavsumda uning hisobida 36 ta o'yin, 2 ta gol va 3 ta golli uzatma mavjud.