Saudiya Arabistonining "Al-Ittihod" klubi prezidenti Anmar al-Xayli argentinalik yulduz hujumchi Lionel Messiga qancha pul to'lashga tayyorligini aytdi.

"Men haqiqatan ham Lionel Messi bilan ehtimoliy transfer haqida gaplashdim. O'shanda u hali "PSJ"da o'ynayotgandi. Men unga yiliga 1,4 milliard evro taklif qildim, biroq Messi rad javobini berdi," - dedi rahbar.

Messi ayni damda Amerikaning "Inter Mayami" klubi futbolchisi hisoblanadi. 38 yoshli argentinalikning mehnat shartnomasi 2028 yil oxirigacha mo'ljallangan.

O'tgan mavsumda sakkiz karra "Oltin to'p" sohibi MLS chempioni bo'ldi.