«Inter Mayami» himoyachisi Yen Frey MLS chempionati doirasida «Orlando Siti»ga qarshi kechgan bahsdagi mag'lubiyatdan so'ng, jamoa hujumchisi Lionel Messining futbolchilarga yo'llagan murojaati haqida so'zlab berdi. Messi jamoasi uchrashuv davomida 3:0 hisobida oldinda borayotgan edi, biroq yakunda 3:4 hisobida imkoniyatni boy berdi. Leo uchrashuvdagi gollardan biriga mualliflik qildi.

«Sardorimiz kiyinish xonasida nutq so'zladi va ochig'ini aytganda, bizga ko'p narsalarni tushuntirdi. U keyingi o'yin oldidan bizni ruhlantirdi va bunday natija qabul qilib bo'lmas ekanini aytdi. Barchamiz uning fikriga qo'shildik — bu haqiqatan ham qabul qilib bo'lmas holat va bunday voqea boshqa takrorlanmasligi aniq», — dedi Frey.

«Inter Mayami» 11 o'yindan so'ng 19 ochko jamg'argan. Lionel Messi jamoasi Sharqiy konferentsiyada uchinchi o'rinni egallab turibdi.