Londonning «Arsenal» klubi yarim himoyachisi Mikel Merino jamoasining Chempionlar ligasi finalida «PSJ»dan uchralgan mag'lubiyatiga izoh berdi. Mikel Arteta shogirdlari penaltilar seriyasida imkoniyatni boy berishdi. O'yinning asosiy va qo'shimcha vaqtlari 1:1 hisobida yakunlangan edi.

«Og'riq kuchli, ammo g'urur undan ham kuchliroq. Ushbu go'zal mavsumdagi qo'llab-quvvatlashingiz uchun barchangizga rahmat. Ertami-kechmi, klub bu sovringa loyiq bo'lganidek, uni albatta qo'lga kiritadi», — deb yozdi ispaniyalik yarim himoyachi ijtimoiy tarmoqlarda.

Yaqinda og'ir jarohatdan forig' bo'lgan Merino finalda ishtirok etmadi – u zaxira o'rindig'ida qoldi.

«PSJ» ketma-ket ikkinchi mavsum Chempionlar ligasida g'olib chiqdi. «Arsenal» esa hali bu turnirda zafar quchmagan.