Frantsiya futbol federatsiyasi saytida uch nafar futbolchining terma jamoani tark etishi haqida ma'lumot joylashtirildi. "Uch ranglilar" safini yarim himoyachilar Eduardo Kamavinga va Manu Kone, shuningdek, hujumchi Kilian Mbappe tark etdi.

Kone 16 noyabr kuni sariq kartochkalari ko'payib ketganligi uchun diskvalifikatsiya qilingani sababli Ozarbayjonga qarshi o'ynay olmaydi.

Kamavinga chap son mushaklarining zo'riqishi tufayli noqulaylik his qilmoqda.

Ozarbayjon - Frantsiya uchrashuvi endi turnir ahamiyatiga ega emas. Frantsuzlar payshanba kuni jahon chempionatiga yo'llanmani qo'lga kiritdi.